Theatr Bara Caws Theatr Bara Caws
  • Hafan
  • Sioeau
    • Cariad yn Oes y Gin
    • Un Nos Ola Leuad
    • Lleisiau
    • Draenen Ddu
  • Amdanom Ni
    • Y Cwmni
    • Y Tîm Rheoli
    • Nawdd
    • Dathlu 40
    • Archif
  • Newyddion
  • Cymraeg
  • Hafan
  • Sioeau
    • Cariad yn Oes y Gin
    • Un Nos Ola Leuad
    • Lleisiau
    • Draenen Ddu
  • Amdanom Ni
    • Y Cwmni
    • Y Tîm Rheoli
    • Nawdd
    • Dathlu 40
    • Archif
  • Newyddion
  • Cymraeg

Draenen Ddu (2023)

September 7, 2023 / no comments

DRAENEN DDU

Cyfieithiad Angharad Tomos o Blackthorn gan Charley Miles.

Yn sgil llwyddiant ysgubol y cynyrchiad gan Bara Caws yn 2022 rydym yn ail deithio Draenen Ddu er mwyn ateb galw’r niferoedd na chafodd gyfle i’w weld.

Ar yr wyneb mae’n blanhigyn cwbl wahanol, ond yr un yw’r gwraidd.

 Dau o blant yn unig sydd wedi eu geni yn y pentref ers cenhedlaeth, ac mae’r ddau’n byw ym mhocedi ei gilydd, ond wrth iddynt dyfu mae’r clymau’n dechrau datod.

 Mae cefn gwlad yn newid a’r hen draddodiadau ac enwau ffermydd a chaeau dan fygythiad.

 Hen, hen thema sydd yma, a’n cael ei chyflwyno i genhedlaeth newydd a hynny mewn modd annwyl, doniol a dirdynol. Mae’r pwnc yn effeithio pob un ohonom, hen ac ifanc, trefol neu wledig. Beth ddaw o’n cymunedau ni, a chyfrifoldeb pwy yw eu parhad? Oes modd gwarchod ein treftadaeth ac ar yr un pryd sicrhau dyfodol i’n pobl ifanc yn eu cynefin?

Mae’r ddrama yma’n siwr o daro tant gyda’n cynulleidfaoedd cymunedol heddiw.

Cast: Rhian Blythe a Siôn Pritchard.

Cyfarwyddo: Betsan Llwyd

Cyfarwyddwr Cynorthwyol – Iwan Charles

Canllaw Oed 14 + (defnydd o iaith gref).

This is a Welsh language production, English precis will be available.

Ffenast Siop

August 22, 2023 / no comments

Ffenast Siop gan Iola Ynyr a Carys Gwilym

“Ma menopos ‘di rhoi sbectol o wirionedd yn sownd ar y nhrwyn i, jysd weithia ma hi’n stemio.”

Sioe un ddynes am Delyth yn ffeindio ei ffordd mewn bywyd yn sgil y menopos. 

Chwerthin, harthio, edliw a cholli deigryn – mi gewch chi’r cyfan.

Ymunwch â ni ar y daith arbennig hon, ac mae croeso i bawb, achos nid mater i ferched yn unig ydi’r menopos.

Bydd cyfle euraidd i’r rheini ohonoch sydd yn dymuno gwneud hynny, leisio eich profiadau peri-menoposal, menoposal ac o fod yn ferch mewn sgwrs hwyliog gyda Iola Ynyr a Carys Gwilym wedi ambell berfformiad. Bydd hon yn sgwrs gynhwysol anffurfiol lle cewchgyfle i ymlacio a theimlo’n rhydd i ddweud eich dweud mewn gofod diogel.

Meddai Iola: “Da ni’n dwy wedi dysgu bod chwerthin yn ffordd o lacio’r poen a’r ofn. Dyma gewch chi yn y sioe ac yn y sgwrs gobeithio!”

Ac i goroni’r cyfan bydd Mirsi hefyd yn ymuno â ni mewn sawl lleoliad ar hyd y daith i gynnal siop ‘pop up’ – felly dyma gyfle gwych i chi gael noson allan o chwerthin ymysg ffrindiau, i rannu profiadau ac i wneud mymryn o siopa. Beth allai fod yn well?

Canllaw oed 14+.

𝐂𝐚𝐬𝐭 – Carys Gwilym

𝐂𝐲𝐟𝐚𝐫𝐰𝐲𝐝𝐝𝐨 – Iola Ynyr

𝐂𝐞𝐫𝐝𝐝𝐨𝐫 – Osian Gwynedd

𝐓𝐞𝐜𝐡𝐧𝐞𝐠𝐲𝐝𝐝 – Llywelyn Roberts

𝐂𝐲𝐧𝐥𝐥𝐮𝐧𝐲𝐝𝐝 – Lois Prys

Cynhyrchiad Theatr Bara Caws mewn cyd-weithrediad â Galeri, Caernarfon.

Dinas

May 3, 2023 / no comments

DINAS

Mae Bara Caws wrth ein boddau’n cael cyfle i ail-godi’r llen ar gomedi glasurol a gyd-sgwennwyd gan ddau o fawrion ein llên – yr arobryn Emyr Humphreys a’r unigryw WS (Wil Sam) Jones.

Mae tynged Dinas yn y fantol. Dibynna’r perchennog, John Barig, yn llwyr ar ffyddlondeb Ossie ei was, ond mae’r cartref yn prysur ddadfeilio, a daw’n amlwg fod gan bawb sy’n troi o’u cwmpas ddiddordeb dwfn yn nhynged yr hen le – at eu dibenion eu hunain wrth gwrs…

Yn ôl yr awduron: “Ein nod fel arfer yw difyrru: ond os ceir ambell ergyd yma ac acw gorau oll.” – ac er i’r ddrama cael ei ‘sgwennu ym 1970 mae’r ‘ergydion’ mor berthnasol ag erioed.

Dyma gyfle euraidd i weld rhai o dalentau comedi gorau Cymru ar lwyfan gyda’i gilydd – a hynny am wythnos yn unig yn Neuadd Dwyfor, Pwllheli yn ystod wythnos Eisteddfod Genedlaethol Llŷn ac Eifionydd – felly archebwch eich tocynnau yn syth bin!

Cast: Iwan Charles, Richard Elfyn, Carys Gwilym, Dyfan Roberts, Mari Wyn, Rhodri Trefor, Llion Williams

Cyfarwyddo: Betsan Llwyd

Yn ystod EISTEDDFOD GENEDLAETHOL LLŶN AC EIFIONYDD
yn NEUADD DWYFOR, PWLLHELI
AWST 7FED – 11EG, 7:30

Tocynnau: www.NeuaddDwyfor.cymru

 

 

 

 

Cariad yn Oes y Gin

January 13, 2023 / no comments

Dilynwn eu taith o’u cartrefi yng nghefn gwlad Cymru i ganol St. Giles yn ‘underbelly’ Llundain fawr. 

“Comedi am ryddid sydd yma. Gofynnwn y cwestiwn: pa mor bell y dylem ni fynd i fynnu rhyddid, ac oes gennym ni’r hawl i rwystro rhyddid pobl eraill? Yn ystod oes o gyfnodau dan glo, cyfyngiadau a cholled, rydym i gyd yn profi ac yn archwilio ein perthynas â rhyddid, ac yn gofyn pwy sy’n haeddu rhyddid…a pwy sydd ddim?” (Chris Harris). 

Cast: Siôn Emyr a Mali O’Donnell

Awdur: Chris Harris

Cyfarwyddo: Betsan Llwyd

Cerddoriaeth: Mari Mathias

 

 

Draenen Ddu (2023)

April 27, 2022 / no comments

DRAENEN DDU

Cyfieithiad Angharad Tomos o Blackthorn gan Charley Miles.

Yn sgil llwyddiant ysgubol y cynyrchiad gan Bara Caws yn 2022 rydym yn ail deithio Draenen Ddu er mwyn ateb galw’r niferoedd na chafodd gyfle i’w weld.

Ar yr wyneb mae’n blanhigyn cwbl wahanol, ond yr un yw’r gwraidd.

 Dau o blant yn unig sydd wedi eu geni yn y pentref ers cenhedlaeth, ac mae’r ddau’n byw ym mhocedi ei gilydd, ond wrth iddynt dyfu mae’r clymau’n dechrau datod.

 Mae cefn gwlad yn newid a’r hen draddodiadau ac enwau ffermydd a chaeau dan fygythiad.

 Hen, hen thema sydd yma, a’n cael ei chyflwyno i genhedlaeth newydd a hynny mewn modd annwyl, doniol a dirdynol. Mae’r pwnc yn effeithio pob un ohonom, hen ac ifanc, trefol neu wledig. Beth ddaw o’n cymunedau ni, a chyfrifoldeb pwy yw eu parhad? Oes modd gwarchod ein treftadaeth ac ar yr un pryd sicrhau dyfodol i’n pobl ifanc yn eu cynefin?

Mae’r ddrama yma’n siwr o daro tant gyda’n cynulleidfaoedd cymunedol heddiw.

Cast: Rhian Blythe a Siôn Pritchard.

Cyfarwyddo : Betsan Llwyd

Canllaw Oed 14 + (defnydd o iaith gref).

This is a Welsh language production, English precis will be available.

Cefn Flyer Draenen Ddu 23 newydd

© Bara Caws 2022 Rhif Cwmni | Company No : 0330 1990 Rhif Elusen | Charity No: 1062896